ब्रेकिंग

संपादकीय

जपानला भारताने मागे टाकण्यावर शिक्कामोर्तब

Samruddhi Dhayagude
12 Jun 2025

वृत्तवेध

भारताने एक मोठा आर्थिक टप्पा गाठला. आंतरराष्ट्रीय नाणेनिधीच्या ताज्या अहवालानुसार भारत जगातील चौथी सर्वात मोठी अर्थव्यवस्था बनला. जागतिक नाणेनिधीच्या आकडेवारीनुसार भारताचा जीडीपी आता ४.१९ ट्रिलियन डॉलर असून या बाबतीत भारताने जपानला मागे टाकले. मात्र याबाबत काही मतमतांतरे समोर आली.

जपानच्या अर्थव्यवस्थेला भारत मागे टाकणार असल्याचा एका संस्थेचा अहवाल आणि भारताने जपानच्या अर्थव्यवस्थेला मागे टाकले, असा दावा यामुळे संभ्रम निर्माण झाला होता. नीती आयोगाचे ‘सीईओ’ बी. व्ही. आर सुब्रमण्यम यांनी २५ मे २०२५ रोजी झालेल्या गव्हर्निंग कौन्सिलच्या दहाव्या बैठकीत सांगितले की आपण आता जगातील चौथी सर्वात मोठी अर्थव्यवस्था आहोत. भारताचा जीडीपी आता चार ट्रिलियन डॉलरचा टप्पा ओलांडला आहे आणि हा आमचा दावा नाही तर जागतिक नाणेनिधीचा डेटा आहे.

जागतिक नाणेनिधीच्या ताज्या आकडेवारीनुसार जगातील प्रमुख दहा अर्थव्यवस्थांची यादी अशी आहे : अमेरिका-३०.५१ ट्रिलियन, चीन-१९.२३ ट्रिलियन, जर्मनी-४.७४ ट्रिलियन, भारत-४.१९ ट्रिलियन, जपान-४.१८ ट्रिलियन, ब्रिटन-३.८४ ट्रिलियन, फ्रान्स-३.२१ ट्रिलियन, इटली-२.४२ ट्रिलियन, कॅनडा-२.२३ ट्रिलियन, ब्राझील-२.१३ ट्रिलियन.